يالبى قلبه/ كل ما قــال.. | لبيه|
ويالبى صـــوته/ كل ما قال :لي هــاه
بالحالتين ان ترجمت شفته / إيــــــه
أضـــيع مـن كلي وادورنــي وما القـاهـ
أذوب في حـــــــرفه.. وصوته يحــليــه
.. واللي يجنـــني إذا حـــرّك إشـــــفاه
وتعانقت من نشــوة الشوق/ والتيه
وش حيلتي غير التناهيـــــــد والآهـ
يضماه سمعي وانتظر لـــــين.. يرويه
. والمشكله حتى وهو يمـــي أضمـــاه
حُبه مثل طـيرٍ يبي بيت.. يأويــــــه
وانا ادري انه داخل القــــلب مـأوآه
وحده بقلبي دوم محــــــــدٍ يســـاويه
وانا بقلبه طول هالعـــــمر وأمــلاهـ
الشوق محدٍ غـــــــــير صوته يداويه
ويجــذ نار الغيض فيني من اقصـــاهـ
صوته مطـر في جيته/ في تجليــه
تطفي عذوبة قطرته شوق مضناهـ
صوته صدى تغريد طــــــــيرٍ يغنيــــه
صوته نسيم الصبح في طلعة إضياهـ
صوته نغــم.. تطربني رقــــــة اغــــانيـه
صوته علــيه أدمنت ودواي من داهـ
صوته هــــــدير الموج لامــــر شاطيه
وانا بشوقي كل مـــــا الريــــــح وداهـ
يذهل شعوره مسمعي كل ماادعــــيه كـني على ضفة بحــر يحتري مــاهـ
أرقب طيوفه.. كل ما زارني فيــه
ويدق قلبــــي كل ما مر طريــــاهـ
وان حظّني وقـــــــتي بشوفه اداريه
عن كل مخلوقٍ يـــضرّه وانا معـــاهـ
ما ودي حتى الشوك تلمس برجليه
واغار من نسمه/ تداعب محيــــاهـ
والود ودي.. وسط عيني أخلـــيه
والحّفـه رمشي وبالعـــــين أدفـــــاهـ
واضمه بصدري.. وألمـــّه واراعـــــيه
. واقبله من هامته لين ما طـــــاهـ
يعيش بي حـــــلمٍ سرقني.. وبيديــه
واعيش به واقع مَــــلك كل ما جاهـ
لين أوصل بشـــوقي لحـــــده واناديه
واحاول القـــــــاني وانا أضيع ويــــاهـ
ويرد لي من رقة إشفاه |.. لبيه |
واضيع من ثاني وانا اقول له هاه.!
-------------
-----
---
-
